«Индивидуальное жилищное строительство» государственной программы Республики Саха (Якутия) «Обеспечение качественным жильем на 2012 – 2017 годы»

Чааһынан олорор дьиэни туттарга

Республика государственнай программатын киэнник туһаныахха

 

             Саха Республикатын Президена уонна Правитльствота тыа сиригэр олорор, үлэлиир дьон тупса5ай оноһуулаах дьиэнэн хааччыллалларыгар улахан бол5омтолорун уураллар. Анардас олорор дьиэ тутуутугар аналлаах хас да Федеральнай уонна Республиканскай таһымнаах программалар бааллар Ол иһигэр Саха Республикатын Президенын ыйаа5ынан бигэргэммит «2012-2016 сылларга хаачыстыбалаах олорор дьиэнэн хааччыйыы»  программа иһинэн «Чааһынай дьиэни тутуу» подпрограмма  үлэлээбитэ хаһыс да сыла буолла.  Сыл ахсын бу хайысханан тыа сиригэр элбэх дьиэ тутуллан үлэ5э киирэр. 2013 сыл Республика Президенынан «Тыа сирин» сылынан биллэриллибитинэн Балаһыанньа5а Правительство олунньу ый 12 күнүнээ5и 36 нүөмэрдээх уураа5ынан кэккэ уларытыылар киллэриллиннилэр.

            Кэннэки сылларга Таатта улууһугар бу подпрограмма туолуутугар куһа5ана суох үлэ барар, ол курдук ааспыт кэккэ сылларга нэһилиэнньэ 51,95 мөл.солк. олорор дьиэтин тутарга туһанна, ол иһиттэн 20,99 мөл.солк. иэс төннөрүлүннэ. Ааспыт кэмнэр устата 9,27 мөл.солк. сотулунна (2008 сылга дылы дьоннорго о5о төрөөһүнүгэр сотуу баар этэ), билигин улус иэһэ 21,69 мөл.солк. Бачаанна дылы бу подпрограмманан сүнньүнэн улуус киинин олохтоохторо туһанан кэллилэр, кэлэр өттүгэр үгүс өттүн тыа нэһилиэктэрэ ылаллара ирдэнэр уонна бу үлэ5э хас биирдии нэһилиэк дьаһалтата, специалистара улахан бол5омтолорун уураллара эрэйиллэр.

            Бу үлэ тэтимэ биллэ күһүрүөх этэ өскө ыраах-чугас нэһилиэкэ олорор дьон киэн араната бу программа Балаһыанньатын бэрээдэгин (ирдэбиллэрин) уонна ханна кимиэхэ туруорсан бу өнөнөн туһаналларын сиһилии биллэллэрэ буоллар диэн санааттан Балаһыанньа сүрүн өрүттэрин өссө төгүл сырдатыахпытын ба5арабыт.

  1. Көрүллэр үп (заем) уһун болдьоххо (10 сылга диэри) бырыһыана суох бэриллэр. Бу уһун болдьохтоох заем киһиэхэ биирдэ эрэ бэриллэр уонна атын дьиэ тутуутун программаларыттан туһамматах буоллуохтаах.
  2. Заем мунутуур сууммата (кээмэйэ) тутуллар дьиэ расчетнай сыанатыттан 30 % -тан үрдээбэт уонна расчет быһыытынан быһаарыллар (расчеттан кыра суумманы ылыахха сөп, улаханы көнүллэммэт). Расчет формулата:

Заем суммата = (Норм х Стоим) х  0,30, манна:

Норм– биир дьиэ кэргэннэ тиксэр олорор дьиэ иэнин социальнай норматива (со5ото5ун олорор киһиэхэ 33 кв.м., 2 киһилээх дьиэ кэргэннэ – 42 кв.м., 3 уонна онтон элбэх киһилээх дьиэ кэргэннэ биир киһитигэр 18-тыы кв.м.). Толору хааччыллыылах дьиэ буолла5ына бу социальнай норматив улаатан биэрэр (со5ото5ун олорор киһиэхэ 5 кв.м., 2 киһилээх дьиэ кэргэннэ – 8 кв.м., 3 уонна онтон элбэх киһилээх дьиэ кэргэннэ 12 кв.м. эбиллэр).

Стоим – дьиэ 1 квадратнай метэрэтин сыаната, сыл аайы тутуу министерствотынан хас биирдии улуустарынан уонна куорат уокругтарынан бигэргэтиллэр сыана.

Холобур: 5 киһилээх дьиэ кэргэн (а5а, ийэ, 1 о5о уонна эбээ, эһээ). 1 кв.м. сыаната (условно) 25 тыһ. солк. Оччо5уна көрүллэр заем мунутуур кээмэйэ формуланан тэннэһэр: 18 кв. м. х 5 киһиэхэ = 90 кв.м. х 25 тыһ. солк. = 2250 тыһ. солк. х .0,30 (30 %/100%) = 675 тыһ. солк.

  1. Уһун болдьохтоох бу заемунан дьиэ туттарыгар көмө ылыан ба5алаах киһи Застройщик) олорор сирин олохтоох дьаһалтатыгар маннык докумуоннары туттарар:
    • Заявление – формата тутуу министерствотынан бигэргэммит (олохтоох дьаһалталарга тиэрдиллибэ);
    • Дьиэ кэргэн туһунан справка (хас биирдиилэрин аата, а5атын аата, араспаанньата, сааһа уонна аймахтыы сыһыаннара);
    • Олорор дьиэлэрин докумуоннара (аренда договора, ордер эбэтэр онтон да атын докумуоннар);
    • Домовой кинигэттэн выписка;
    • Регистрационнай палататтан справка хас биирдии дьиэ кэргэнигэр (дьиэлээ5ин эбэтэр дьиэтэ суо5ун туоһулуур уонна дьиэлээх буолла5ына ханна эрэ толукка биэрбитин дуу биэрбэтэ5ин дуу туһунан);
    • Тутуохтаах дьиэтин эскиһин сүрүн размердарын уонна иэнин ыйан туран;
    • Олохтоох дьаһалта дьиэ тутарыгар участок биэрбитин туһунан дьаһала
  2. Олохтоох дьаһалта 30 хонук устата киирбит докумуоннары көрөн, үөрэтэн баран учетка туруорарын эбэтэр аккаастыырын туһунан быһаарыныытын 10 күн иһинэн биллэриэхтээх уонна ылыахтаах дьон испииһэгин олунньу ый 15 күнүгэр дылы улуус дьаһалтатыгар түһэриэхтээх.
  3. Улуус дьаһалтата кулун тутар 1 күнүгэр дылы, эбэтэр сыллаа5ы дьаһал тахсыбытын кэннэ 1 ый иһинэн уонна сыллаа5ы лимитка оло5уран испииһэги бигэргэтэн баран «Туймаада» ФАПК-5а тиэрдиэхтээх. Испииһэккэ урукку өттүгэр государствоттан уонна муниципальнай тэриллиилэртэн көмө ылбатах дьон киллэриллиэхтээхтэр. Испииһэккэ Застройщик, 2-с пуунна оло5уран аа5ыллыбыт, заемун сууммата ыйыллар. Заем сууммата Застройщик төлүүр кыа5ыттан көрөн (дьиэ кэргэн уопсай дохуотугар оло5уран аа5ыллар) оноһуллар, ол эбэтэр дохуота эппиэттээбэт буолла5ына ылар заема 30 % кыра буолуон сөп.Правительство олунньу ый 12 күнүнээ5и 36 нүөмэрдээх уураа5ынан тыа нэһилиэктэрин (улуус кииниттэн ураты) Застройщиктара сыллаа5ы лимит 50 % итэ5эһэ суо5у ылыахтаахтар.
  4. Застройщик заем договорун түһэрсэригэр «Туймаада» ФАПК-5а биэрэр докумуоннара:
    • Дьиэ кэргэн барыларын ылар биир сыллаа5ы дохуоттарын туһунан справка (тэрилтэ салайааччыта, бухгалтара илии баттааһыннаах уонна бэчээттээх эбэтэр налоговай инспекциэттэн, кэтэх хаһаайыстыбатынан эрэ дьарыктанар дьонно справканы олохтоох дьаһалта биэриэхтээхх);
    • Тутуохтаах дьиэтин эскиһин (сүрүн размердарын уонна иэнин ыйан туран);
    • Олохтоох дьаһалта дьиэ тутарыгар анаан сир (участок) биэрбитин туһунан дьаһала;
    • Үлэлиир дьиэ кэргэн заемна кыттыгас эппиэтинэһи ылалларын туһунан суругунан эбэһээтэлистибэ;
    • Биир дохуоттаах атын киһи мэктиэ (поручительство) суруга;
    • Застройщик дьиэни заем ылбыт кэмиттэн 3 сылынан үлэ5э киллэриэхтээх уонна регистрациялатын баран дьиэтин толук (залог) ууруохтаах договорун түһэрсэр;
    • Дьиэ кэргэн састаабын туһунан справка (аата, а5атын аата, араспаанньата, төрөөбүт сыла уонна аймахтыы сыһыаннара);
    • Хас биирдии дьиэ кэргэн киһитэ бэйэлэрин туоһулуур докуменнар копиялара;
    • Анкета (бланкатын «Туймаада» ФАПК биэрэр);
    • Застройщик ИНН –нын копията;
    • Застройщик Сбербаанна (конкуруһунан кыайбыт баан) счет аһар уонна бааны кытта договорын копиятын, счетун реквизиттарын  биэрэр.
  5. Заем договорыгар оло5уран харчы баанна Застройщик счетугар түһэр.
  6. Баан Застройщигы кытта харчы хайдах орокуоттанарын чопчулуур договор түһэрсэр;
    • Застройщик баанна дьиэ тутуутугар тахсыахтаах ороскуоттарга докумуоннары түһэрэр (тутуу материалларын поставкалыыр, тутар договордар, счеттар уонна да атын дьиэ тутуутугар сыһыаннаах докумуоннар);
    • Баан 5 күн иһинэн докумуоннары бэрибиэркэлээн бүтүөхтээх, ол кэнниттэн 3 хонук иһинэн харчыны докумуоннарга оло5урвн ыытыахтаах;
    • Баан туох эмит биричиинэнэн аккастыыр буолла5ына 5 хонук иһинэн Застройщика биллэрэр уонна докумуоннарын төнүннэрэр.
    • Харчы төлөннө5үнэ эбэтэр аккаастанна5ына докумуоннар оригиналлара Застройщика төннөрүннэриллиэхтээх онтон копиялара 10 сыл тухары баанна харайыллыахтаах.
  7. Бу программа5а киирсэн туһанар киһи (Застройщик) заемун төлөөн бүтэрэр срогар сааһа 65-тэн тахсыа суохтаах.
  8. Дьиэ 3 сылынан тутуллан бүтэн үлэ5э киллэриллиэтээх уонна Регпалата5а регистрацияланан баран заем договорыгар оло5уран «Туймаада» ФАПК-5а толук (залог) биэрэр договор түһэриллиэтээх, оччо5о поручителэ босхолонор. Бу болдьоххо дьиэ улэ5э киирбэтэ5инэ хаалбыт иэс суумматыгар Центрбаан ставкатынан бырыһыан аа5ыллар.
  9. Бу программа5а сана кварталлар тутуллар буоллахтарын тутуу министерствотын нөнүө трансформаторы атыылаһыы уонна монтажтааһын, уот, газ, сайынны уу ситимнэрэ уонна квартал иһинээ5и суол государствоттан үбүлэнэр.

 

2012 сыл түмүгүнэн Республика үрдүнэн подпрограмма актива 931 млн. буолла, ол бастакы са5аланыа5ыттан 2 бүк кэринэ улаатта, быйыл Правительство дьаһалынан бу сыалга өссө 250 мөл.солк. эбии угуллар, онон туһаныан ба5алаах дьон ахсаана лаппа эбиллэрэ күүтүллэр. Маныаха улуустар, оройуоннар уонна нэһилиэктэр дьаһалталара нэһилиэнньэ иһигэр информационнай үлэни күүһүрдэллэрэ эрэйиллэр.. Бу  программа5а уонна подпрограмма5а сыһыаннаах нормативнай докумуоннары улуус (район) дьаһалталарыгар Правительство интернет  сайтарыгар булуохха  сөп.

Үчүгэйдик сиһилии үөрэтэн уонна бэйэ5ит кыаххытын аа5ынан көрөн баран олоххут-дьаһаххыт тупсарыгар туһаныахтара диэн эрэнэбит.

«Туймаада» ФАПК-5а мунаарар боппуруостаргытын маннык телефоннарынан сибээстэһэн быһаартарыаххытын сөп:  Дьоккуускай куорат 35-33-42, 35-14-58, 43-49-18. Ытык-Куел  беh. 41-400

Файлы